Сақтандыру төлеміне кірмейтін жағдайлар

Сақтандырушы келесі жағдайларда сақтандыру сыйлықақысын төлеуге міндетті емес:

• Сақтанушы мен (немесе) Пайда алушының қасақана іс-әрекетінен туындаған жағдайлар;
• Сақтанушының өзіне қол жұмсауы немесе қол жұмсау талпыныстары;
• Сақтандырылған тұлғаның немесе Пайда алушының қасақана қылмыстық жазаланатын іс-әрекеттері немесе әкімшілік құқық бұзушылық салдарынан туындаған жағдайлар;
• Сақтандырылған тұлғаның алкогольдік мастануы немесе улануы не уытқұмарлық немесе есірткілік мастануы және/немесе улануы салдарынан туындаған жағдайлар;
• Сақтандырылған тұлғаның кәсіби спорттың кез келген түрімен айналысуы;
• Сақтандырылған тұлғаның кез келген көлік құралын аталған категорияның көлік құралын басқару құқығынсыз немесе алкогольдік, есірткі немесе уытқұмарлық мастану қалпында басқаруы.

Сақтандыру төлемдері

• Сақтандыру жағдайы орын алса, Сақтанушы ол туралы сақтандыру компаниясына 30 күн ішінде хабарлауы тиіс;
• Барлық қажетті құжаттарды ұсынғаннан кейін 40 жұмыс күні ішінде сақтандыру жағдайы қарастырылып, сақтандыру төлемі төленеді;
• Сақтандырудың толық мерзімі ішінде әрбір тәуекел бойынша сақтандыру төлемінің 100%-нан артық емес сома төленеді. Сақтандыру сомасының 100% төленгеннен кейін тәуекел өз күшін жояды;
• Сақтандыру жағдайы ересек сақтандырылған тұлғада (Сақтанушыда және оның жұбайында/жарында) орын алған жағдайда, сақтандыру төлемі басқа ересек сақтандырылған тұлғада сақтандыру жағдайы орын алған кезде оның мүмкіндігіне және көлеміне әсер етпейді;
• Әрбір сақтандыру тәуекелі бойынша сақтандыру төлемі барлық Сақтандырылған балалар бойынша барлық оқиғалардың жиынтығында аталған тәуекел бойынша орнатылған сақтандыру сомасының  100%-нан аспауы тиіс;
• ЖКА нәтижесінде орын алған тәуекелдер бойынша төлемдер жүзеге асырылған жағдайда, жазатайым оқиға нәтижесінде орын алған тәуекелдер бойынша төлем жүргізілмейді.

Бағдарлама артықшылықтары

• Отбасыны бір полистің шеңберінде қорғау;
• Ресімдеу үшін тек қана сақтанушының жеке куәлігі ғана қажет;
• ЖКА нәтижесінде сақтандыру жағдайы орын алған кезде төлем екі есе артады; 
• Сыйлықақы мөлшері балалардың санына байланысты емес;
• Полисті жылдам ресімдеу (ресімдеу кезінде Сақтанушы отбасының барлық мүшелерінің деректерін көрсету қажет емес);

Сүйектің сынуы мен күйік жағдайларында ересектерге сақтандыру өтемі кіреді.